Switzerland -
A neutral power for as long as most can remember,it has avoided war for several centuries. However, it is still considered highly advanced and a global power.
Positives:
Judicial.
Neutrality.
World-Renouned.
Powerful without Force.
Makes Excellent Watches, Etc.
Negatives:
Target of Ridicule.
Constant Struggle to Avoid Conflict.
Target of Criminal Bank Accounts.


Which Country of the World are You?
brought to you by Quizilla

Ó, mitt kvalda höfuð!
Í gær var ég í mesta sakleysi mínu að gera morgunleikfimiæfingarnar mínar þegar Ríkey þeytti upp útidyrahurðinni, óð inn á mitt gólf og byrjaði að babla í miklu æði. Á endanum tókst mér að skilja að konugreyið er búin að missa vinnuna - enn einu sinni! Í þetta skipti var henni sagt upp vegna ,,skorts á samstarfsvilja". ,,Helvítis kjaftæðis alltaf í þessum ritstjórafífli! Ég hef margsagt honum að hann ætti að láta leggja sig á hæli og þetta sannar það!" argaði Ríkey en gaf sér tíma inn á milli til að gera grín að flónelsnáttsloppnum mínum og bleiku loðnu inniskónum sem John gaf mér.
Þótt ég væri nokkur sár fyrirgaf ég henni því hún var augljóslega ekki með sjálfri sér. Síðan geri ég það sem ég geri alltaf þegar Ríkey er rekin, fór með hana á Dubliners og gerði díl um magnafslátt á bjór við barinn. Þarna sátum við allan daginn og tókst undravel að létta lund Ríkeyjar. Um tíuleytið um kvöldið vorum við orðnar svo hressar að við ákváðum að fara inn á Kaffi Viktor og þar skökuðum við okkur í trylltum dansi fram undir morgun. Ég skildi við Ríkeyju í faðmi föngulegs ungs manns sem ekki kunni neina íslensku og hélt heim í faðm Johns. Hann var þá reyndar kominn á fætur, búinn að laga kaffisopa og baka vínarbrauð. Við áttum unaðslega stund í fyrstu geislum morgunsólarinnar, en síðan drapst ég fram á eldhúsborðið. Var að vakna og er með far eftir ostaskera á höfðinu og afar þrálátan og hvimleiðan höfuðverk í hægra gagnauga.
Ég get þó ekki annað en velt fyrir mér hvers vegna sumt fólk virðist dæmt til að lifa dramatískara lífi en annað. Hvernig endar þetta eiginlega með hana Ríkey?

According to the "Which Big Lebowski character are you?" quiz:

Why don't you check it out? Or we cut of your Johnson!

Næstu 26 daga verð ég með smá nýbreyti á síðunni. Á hverjum degi mun birtast hér til vinstri Eurovisionlag dagsins. Byrjað verður á því lagi sem spáð er neðsta sæti og svo farið upp listann þar til sigurstranglegasta lagið verður birt á sjálfan Eurovison daginn 24. maí.

Eins og glöggir lesendur hafa kannski tekið eftir setti ég saman smá getraun. Þetta er nú mest til gamans gert en vil ég samt benda á að sá/sú sem sendir inn flest svör á von á mjög svo veglegum verðlaunum. Frumsömdu ljóði eftir mig! Þið sjáið kannski auglýsinguna hér til vinstri en getið einnig komist á getraunasíðuna hér. Gangi ykkur vel!

Ég átti alveg dásamlega helgi ásamt meðframbjóðendum mínum og stuðningsmönnum. Á laugardaginn var haldin verðskulduð grillveisla til að fagna því að engar athugasemdir voru gerðar við meðmælandalista framboðsins - ólíkt sumum. Hvert lambið á fætur öðru (veljum íslenskt!) lenti á grillingu og var síðan sporðrennt af bestu lyst á meðan Ríkey blandaði ódauðlega kokteila handa hópnum. Þegar líða tók á kvöldið settist fólk með glösin sín út á verönd og skemmti sér við að hlýða á skáldin í hópnum (sem vildi svo skemmtilega til að voru efstu menn á lista; ég, Jóa og Steinar) kveðast á við þýðan undirleik Öldu - sem er snillingur á banjó. Síðan var haldið fylktu liði á 22.
Þegar þangað var komið sleppti hópurinn fram af sér beislinu enda mikið til þess unnið. Kim Wilde, Michael Jackson og Dyrnar veittu okkur ómælda ánægju fram undir morgun og var stemningin slík að við Jóa stóðumst ekki freistinguna að skella fram nokkrum stökum við þetta tækifæri:

Fallegri hljóma heyrði fyrr
flutta á 22
Kamarinn þar er aldrei kyrr
kúnstugur þessi heimur

Dísir þreyta djöfladans
daðra við sinn granna
sveitt ég hopp' í Óla Skans
karlaflóru skanna

Tjútta alveg trítilóð
tryllt í dansins funa
æsi marga menn og fljóð
magnast upp hver stuna

Mánaskinið mjúkt og hlýtt
mýkir alla lundu
Betra er þó búsið títt
bruggað fyrir stundu

Á barnum finn ég bestu skinn
bjóða þeir mér veigar
mæna svo á barminn minn
en sprundið mjöðinn teygar

Vodka, snafs og viskílús
vankað hefur sprundið
þó syngur hátt og drekkur dús
djammið hefur fundið!

Klukkan var víst orðin hálf sex þegar John fór með mig heim. Sunnudeginum eyddi ég síðan í hvíld og ró í örumum míns heittelskaða sem þreyttist ekki á að mata mig á ís.