mánudagur, júní 26, 2006

Ætli... ætli mér sér óhætt hérna á ný?

Er einhver þarna úti?

föstudagur, desember 05, 2003

Ég hef tekið eftir því að bókin mín hefur verið beitt grunsamlegu fjölmiðlasvelti. Enginn blaðamaður eða sjónvarpsfréttakona hefur haft samband við mig vegna útgáfur bókarinnar. Ég reyndi ítrekað að hafa samband við blaðakonu hjá Fréttablaðinu en fékk bara brandara senda til baka frá henni. Mig grunar helst að hún hafi ekki tekið mig alvarlega.

Mér er dauðans alvara.

Það hefur að vísu staðið aðeins á útgáfunni og verður endanlegri hönnun bókarinnar ekki lokið fyrr en í næstu viku en þá ætti nú samt að gefast nægur tími til frekari auglýsinga. Ennþá er langt til jóla. Þangað til geta æstir tilvonandi lesendur elft tilhlökkunina með því að kíkja á forsmekkinn.

Góðu fréttirnar eru hins vegar þær að dyggur stuðningsmaður minn, hann Hr. Muzak, er tilbúinn gera allt í sínu valdi til hjálpa við kynningu verksins og mun ég fá að brýna raust mína á fyrirhugaðri jólaplötu hans. Var ég að hugsa um flytja frumsaminn texta - eftir mig - við þekkt jólalag:

Jólabók

Undir jólabókatré er pakki
undir jólabókatré er voðalega stór pakki
í gylltum pappír
og amma og afi glotta í laumi í kampinn

Skild'a vera jólabók
Skild'etta vera jólabók
Skild'a vera jólabók
Skild'etta vera jólabók

Úti í jólabókabæ klingja bjöllur
úti í jólabókaabæ klingja jólabókabjöllur jólin inn
Ég stari út í dimma nóttina
og jólastjarnar blikar bakvið ský
út í annað

Skild'a vera jólabók
Skild'etta vera jólabók
Skild'a vera jólabók
Skild'etta vera jólabók

Amma og afi
bíða og vilja ekkert líða

Skild'a vera jólabók
Vona að þetta sé nú jólabók
Að þetta sé nú jólabók
óóóójeeeee

Undir jóla bóka tré er pakki
Undir jóla bóka tré er voðalega stór pakki
í gylltum pappír
og amma og afi glotta í laumi í kampinn
út í annað.

Skild'a vera jólabók
Skild'etta vera jólabók
Skild'a vera jólabók
Skild'etta vera jólabók
...
skildetta vera bókajól?
ætli það sé metsölubók?

fimmtudagur, nóvember 27, 2003

Skrifin hafa gengið vonum framan og hef ég því ákveðið að flýta útgáfu bókarinnar um ár og demba mér í jólabókaflóðið 2003. Er þá kominn tími til að svipta hulunni af hinu merka viðfangsefni bókarinn. Ég hef sumsé ritað ævisögu séra Jóns Þorlákssonar á Bægisá - betur þekktur sem Jón á Bægisá. Merkur maður og þýðandi sem var upp í kringum aldamótin 1800. Skemmst er frá því að segja að ég hef grafið upp margar og merkilegar heimildir sem sýna manninn í gjörsamlega nýju og hálf ógnvænlegu ljósi (upplýsingar sem hafa hugsanlega, sennilega, örugglega verið þaggaðar af kirkjunni).

Ég ákvað að nálgaðist efniviðinn út frá nýsögulegum forsendum sem byggjast á túlkun minn á forláta innkaupalista sem ég hef í fórum mínum ásamt föðurlandi og nokkrum pörum af sokkum sem ég keypti í Kolaportinu dýru verði um árið og var fullvissuð um að hefði verið í eigu hins fræga þýðanda.

Ég hafði hvað mestar áyggjur af viðtölunum en það er alltaf langbest að ræða beint við viðfangsefnin til að fá allar upplýsingar sem réttastar. Þar kom dulræn gáfa mín að góðum notum og var ég svo heppin að ná strax sterku og góðu sambandi við Jón (eða Nonna gölt eins og hann vildi að ég kallaði hann). Ég hafði upphaflega gert ráð fyrir því að þessir viðtalstíma yrðu margir og líkamlega og andlega erfiðir en allt gekk eins og í sögu, það kjaftaði á honum hver tuska og upplýsingarnar streymdu til mín. Sambandið var svo gott að stundum þurfti hann ekki einu sinni að segja mér neitt heldur fann ég svörin birtast inni í mér. Segir það sig sjálft að skrifin gengu mjög hratt fyrir sig eftir það.

Titillinn á bókinn er "Mergjuð martröð: ævi Jóns á Bægisá séð í nýju ljósi" og munu allar frekari upplýsingar um hana birtast hér á næstu dögum og vikum.

mánudagur, október 13, 2003

Ég sé ekki fram á að geta bloggað mikið næstu vikurnar - jafnvel mánuði - og hef því ákveðið að gera hlé á þessum netskrifum mínum um stundarsakir. Ég fékk það verkefni að skrifa ævisögu þjóðþekktrar persónu og þarf því að eyða stórum hluta tíma míns í samneyti við hana. Er það tímafrekt verkefni og erfitt fyrir sálina. Allan þann tíma sem ekki fer í viðtöl, heimildavinnu og skrif verð ég að nýta í slökun og andlega íhugun. Ég má ekki segja mikið um verkefni að svo stöddu en get þó látið það uppi að valdabarátta, ástarsorg, sæhestar, tannréttingar, veðurfræði, Árni Mathiesen, hamstrar, Bíldudalur, foxtrot, gerviblóð, Nýja-Sjáland, gas, ilsig, þyrlur, Satan, dægurmál, vísindi, brjótsykur, Leifur heppni, krókódílar, fjallagras og fjölkynhneigð muni koma talsvert við sögu. Kemur í betri bókabúðir jól 2004.

miðvikudagur, september 03, 2003

Ekki líst mér á þetta!

Fangelsisdómur þinn by asta
Nafn
Hvenær ertu handtekin(n)?July 14, 2011
Hvað færðu margra ára dóm?6
Hvaða glæp fremurðu?Gatar eyrun á Davíð Oddssyni
Hvernig vegnar þér inni?Hinir fangarnir hæða þig og spotta og kalla "tukthúslim"
Hvernig vegnar þér eftir afplánun?Illa haldin(n) fyrir lífstíð af víðáttufælni og handjárnablæti
Created with quill18's MemeGen!

mánudagur, ágúst 25, 2003

Ríkisstjórnin
Circle I Limbo

tilveran.is
Circle II Whirling in a Dark & Stormy Wind

John Jasinsky
Circle III Mud, Rain, Cold, Hail & Snow

Osama bin Laden
Circle IV Rolling Weights

Geimverur
Circle V Stuck in Mud, Mangled

River Styx

George Bush
Circle VI Buried for Eternity

River Phlegyas

NAMBLA meðlimir
Circle VII Burning Sands

Erlendir fréttamenn
Circle IIX Immersed in Excrement

Mörgæsir
Circle IX Frozen in Ice

Design your own hell


föstudagur, ágúst 22, 2003

Andskotans bévítans óheppni er þetta alltaf hreint. Nú er ég orðin veik. Komin með einhverjar leiðinda kvefpest og þarf að liggja í rúminu þegar ég gæti verið að elta illa upplýsta erlenda fréttamenn uppi eða bara spókað mig í góða veðrinu. Eins og það væri ekki nóg er enginn karlmaður tiltækur þessa stundina til að hjúkra mér yfir erfiðasta hjallann sem væri nú lágmark. Kettirnir virðast hræddir við hnerrana og hafa ekki látið sjá sig í tvo daga.
Til allrar hamingju hef ég Ísfólkið til að stytta mér stundir. Alveg var ég búin að gleyma hversu hreint ágætar þessar bækur voru. Og að hugsa sér að mikið af þessu hafi í raun gerst! Það er ljóst að við Margit erum tvíburasálir - ég er einnig gjörn á að flétta mína eigin upplifun inn í skáldskap minn. Það gerir hann svo miklu meira lifandi.
Ja hérna - svona tölvupár kemur af stað þessum líka ekki litla svima. Hvar er nú aftur rúmið?