Tímabundin lausn hefur verið fundin á vandamálinu og Skynsama Nornin fengið skjól hjá hinu góða ef kröfuharða fólki hjá Xanga.

Mér blöskrar. Á meðan bloggið mitt gengur eins og í sögu er góðri vinkonu minni meinað um stofna sitt eigið blogg!! Hún er núna búin að búa til þrjú slík og ekkert þeirra vill virka. Hjálpin hjá blogger er vita gagnslaus og engin leið að fá einhver svör. Það er kominn tími til að leita á önnur mið. Spurningin er; hvert? Veit einhver um blogg sem getur komið í staðinn fyrir blogger?

Ég skrapp á betra.net og bar þar óskir mínar undir lífsvölvuna. Þetta er það sem hún hafði að segja:

Samúel mun byrja með þér á föstu innan 1. árs. Karítas er góður vinur, sýndu nú hug þinn í verki og bjóddu þessum góða vini út að borða annað slagið. Að vinna Nóbelsverðlaunin í bókmenntum er markmið sem þú getur hæglega náð. Þú getur verið hvað sem þú vilt ef þú bara ákveður það og gerir eitthvað í málinu! KR mun vinna titil fyrir árslok 2002. Höfðaborg er sá staður sem Samúel býr. A woman in love minnir þig á sælustundir með ástvini þínum. Vitabarinn er staðurinn sem þú öðlast fyrstu alvöru ástina. " Að vinna þessi Nóbelsverðlaun! " er óskin þín. Sittu ekki á rassinum og óskaðu þér einhvers... stattu upp og gerðu eitthvað í málunum. Þú getur allt sem þú óskar þér... ef þú virkilega vilt það!!!

Ég hef áhyggjur af þessu með Samúel. Ég hef að vísu ekkert talað við hann síðan allt fór í háaloft en þegar völvan spurði við hvern ég talaði mest á netinu þá kom enginn annar til greina. Það kemur mér samt talsvert á óvart að hann skuli vera staðsettur í Suður-Afríku. Ég hafði alltaf á tilfinningunni að hann væri hér í Reykjavík. Það er a.m.k. ljóst að við erum ekki að fara að byrja saman á næsta ári. Fyrir það fyrsta þyrfti hann að byrja á því að skilja við eiginmanninn og ég að skipta um kynhneigð. Ég er því skeptískt á að völvan hafi spáð rétt hvað þetta varðaði. Hins vegar er ég mjög ánægð með að heyra að Nóbelsverðlaunin skuli vera raunhæft markmið. Næst á dagskrá er þá að athuga hverjum ég þarf að senda Ástríki til þess að koma hreyfingu á málið.

What's YOUR sexual fetish?
brought to you by Quizilla

Jæja þá er mesta jólavertíðin að baki og ég loksins búin að fá fylli mína af rjúpum, hangikjöti, piparkökum, búðingi, konfekti og púrtvíni (og smá bruggi.) Þegar ég jafna mig á ósköpunum verður farið betur í saumana á jólastandinu. Þangað til verður mikið horft á sjónvarp (eins og lög gera ráð fyrir) og íhugað hvart hægt er að fá bestu flugeldana fyrir áramótin. Ég get ekki verið þekkt fyrir að fara út í garð fyrir framan Jóu með fjölskyldupakka!

Who's your OZ bitch?
brought to you by Quizilla